Venting outده كأنه
بطلع افكاري لبره
جايز احس اني اخف
انا حد بيفكر كتير اوي أوي
ودي حاجة بتحسسني اني مثقلة طول الوقت
بحلل وافصص كل حاجة تقريبا ...analytical
وعشان كده فيه حاجات بوقعها عن غير قصد من الحسبان اصلا
يعني كأنك عملت زووم علي حتت معينة فباقي الصورة مش متجاب معاك
الموضوع ده بيأزمني في حاجات كتير
اولا
As They say ( a wandering mind is unhappy mind )
يعني انا لما ببقي مش مشغلة دماغي دي في حاجة محددة وسايباها كده تسرح في ملكوت الله ، فانا بعيط وببقي عايزة اجيب ناس تعيط معايا ، الموضوع كارثة فعلا ، بقلب في كل ذكرياتي القديمة، و اقلق بسبب بكرة وبين التسويحة السودة دي في الماضي والمستقبل ، يا قلبي احزن مش لا تحزن .انا بنهار حرفيا .
فعشان كده لازم تبقي فيه حاجة شاغلة دماغي ، لانها لو ملقتش حاجة تشتغل فيها .هتشتغل عليا !
المشكلة التانية هي اني بصعوبة بخلي دماغي تركز في مهمة محددة
I think I am easily distracted
And I lose interest quickly
وخلقي ضيق شوية
و كمان لما احاول اركز انتباهي في حتة محددة ، الاقي سيول من الافكار من كل حتة ، بتشتت انتباهي عن الحاجة الاساسية اللي عايزة أركز فيها و الموضوع ده خصوصا وانا متضايقة .
وديه المشكلة التالتة ، لما بكون متضايقة بيكون
عندي صعوبة كبيرة جدا في الفصل بين مشاعري وبين اللي المفروض اعمله
جايز الجزء ده بناتي شوية
واحدة صاحبتي مرة علمتني الموضوع ده بتشبيه سهل ودقيق فعلا
قالتلي لما بنفكر في حاجة ، فالولد كأنه بيفتح درج في مكتب يشوف هو عايز منه ايه و يقفله تاني وبعدين يفتح درج تاني وهكذا
اما احنا البنات ، بنفتح كل الأدراج مع بعض في نفس الوقت ، ونفكر في كل حاجة مع بعض .
وديه هي المشكلة التالتة ، اني افصل افكاري شوية عن حتة معينة مضايقاني عشان اركز في حتة ليها اولوية دللوقتي . ده تحدي صعب بالنسبة لي .
They say emotional maturity means that we will do whatever we have to do regardless of how we feel !
دي من الحقايق المحزنة بالنسبة لي ، بس ان شاء الله هوصل لده..
طبعا اكتشاف الامور دي عن نفسي كان خطوة محتاجة ملاحظة كتير ، حاجة كده بيسموها في علم النفس منهج الاستبطان ، وهو ان يتأمل الشخص تفكيره الذاتي ويلاحظه
ودي اول خطوة في اي حاجة عايزين نحلها ،نفهم ابعاد المشكلة عشان نشوف هنحلها ازاي.
يعني مثلا
اول حاجة ، لازم القط نفسي وانا سايبة دماغي كده تسرح في اللاشئ و اجيب لها حاجة مفيدة تشتغل فيها ، حاجات لازم تتعمل ، كتب ، محاضرات مسموعة ، فيديوهات مفيدة ، كتابة ، وقت خلوة ، اي حاجة بس متتسابش عايمة كده ...
تاني حاجة ، موضوع التركيز في مهمة محددة ، ممكن اخد وقت صغير كده قبل ما اعمل حاجة اهيأ نفسي و ال مايند ست بتاعي علي الحاجة دي ، زي مثلا لو رايحة الشغل ، اهيأ نفسي اني هعمل كذا وكذا ، وممكن اكتب الحاجات اللي هعملها عشان متوهش وافضل كل شوية ابص في اللستة دي كإرشاد ومذكرة ليا من وقت للتاني ، و الحديث الذاتي هنا مهم ، عشان ارجع تركيزي تاني لو راح لحاجة فرعية انه يركز في المهمة الاساسية اللي بعملها ، وفيه طريقة لتحفيز الدماغ ، هي التفكير في الراحة مثلا اللي هتكون بعد ما الشغل يخلص ، الاكلة الحلوة اللي بنحبها وهناكلها بعد ما نخلص ، الشعور المفرح بالانجاز اللي هنحسه لو خلصنا في الوقت ، الراحة و تنفس الصعداء زي ما بيسموه لما نخلص الحاجة دي ، كل الحاجات دي وسايل كده ممكن لو كلمت بيها نفسي هتساعد اني اركز في المهمة المحددة دي عشان هدفي اخلصها واوصل للمكافآت دي
آخر حاجة ،ده بالنسبة لي اصعب تحدي
اني افصل مشاعري والامور اللي شاغلاني عن الحاجات اللي لازم تتعمل
بعض الحاجات اللي بعملها هي
اني اجبر نفسي اعمل الحاجة دي اللي مش طايقة اعملها ، يعني انا متضايقة مثلا، بس لازم انزل اشتري حاجات ، هجبر نفسي اقوم والبس و انزل واشتري الحاجات حتي لو دي آخر حاجة هكون نفسي اعملها لاني متضايقة ومش عايزة اعمل
حاجة او مش عايزة انزل .
جربت كمان
اني احاول اتعامل مع مضايقتي دي ، واحدة واحدة ، اكتب ايه الحاجات اللي مضايقاني واناقش افكاري دي ، واحدة واحدة ، كأني بحاول ابص في درج درج وانظمه واقفله ، عشان الزحمة والدوشة تهدي شوية ، وساعتها ممكن اهدي شوية واقدر اعمل اللي المفروض اعمله .
ولقيت بقي ان ممكن المشكلة تكون احتياجات فسيولوجية
حاجة او مش عايزة انزل .
جربت كمان
اني احاول اتعامل مع مضايقتي دي ، واحدة واحدة ، اكتب ايه الحاجات اللي مضايقاني واناقش افكاري دي ، واحدة واحدة ، كأني بحاول ابص في درج درج وانظمه واقفله ، عشان الزحمة والدوشة تهدي شوية ، وساعتها ممكن اهدي شوية واقدر اعمل اللي المفروض اعمله .
ولقيت بقي ان ممكن المشكلة تكون احتياجات فسيولوجية
يعني كل اللي محتاجاه هو اني اكل، وانام ، وكأني شحنت الجهاز تاني ، احنا بردو لينا بطاريات وطاقة نفسية محتاجة تتجدد .
طبعا ، اوقات كتير مش بعرف اعمل الحاجات دي وبهرب ، لان اسهل حاجة في الدنيا الهروب عن اني اواجه واتعب .
But , it is never going to be easy . It
Just needs practice .
