كل يوم

... كل يوم

أول ما بفتح عينيا كأن شغلت الكومبريسور ... تكييف الجيران اللي صوته عالي ... الخلاط ... صوت موتور عالي 

ايا كان ..محاولة بس لتشبيه شئ مزعج و مستمر.

دي دماغي 

اللي مش هتسكت و نحس بهدوء بقي غير لما ارجع انام تاني 

كل يوم .. اول ما أصحي .. لسان حالي يقول 

Here we go again .. 

كل يوم  

فيه دورة عبثية لا منتهية من الأسئلة اللي انا مش عارفة هتتجاوب في الحياة دي ولا عوضي في الحياة الأخري .. مش عارفة ..

كل يوم.

فيه سيناريوهات و أحلام بتحاول تشق طريقها في دماغي. ..حلوة الأحلام .. لكنها عاملة زي فقاقيع الصابون كده وانا الطفل اللي عينيه بتلمع كده اول ما تطلع من دماغه وهوووب. ...تقع في الارض متبقاش موجودة ... 

حلوة الأحلام 

ده حتي بيقولوا ان كل حاجة كبيرة حصلت اتحققت مرتين مرة كفكرة ومرة في الحقيقة 

بس بين الفكرة والحقيقة هوة سحيقة 

وفيه ظروف و مشيئات ناس و فيه عوائق كتيرة  عشان الفكرة تبقي حقيقة 

فيه ربنا وتدبيراته... و فيه ايده ماسكة الكون ده كله  

عارفة ...بس لسه بحس بكل اللي قلته ده 

انا بس بكب كلمتين اطلع بيهم اللي جوايا 

اوقات بنعرف كتير اوي حقايق لكن لسه بنعيش نفس اللخبطة ؟! 

This is the case for me 

بلاش وعظ 

بلاش كلام اتهري من كتر ما اتقال 

محدش يستكتر عليا اعيش انسانة عادية بتمر باوقات ضلمة كده .. بكل ما تحمله الضلمة دي من مشاعر وافكار 

.

كلنا بنكبر في الطريق ؟

وربنا بيكبرنا بكل حاجة بنمر بيها ..

طالما لسه طالبينه معانا ؟..آمين مصدقة ده 

بس

كل يوم . 

بحس اني لفيت في دوامات موصلتش لحاجة 

كل يوم بسأل نفسي .. هو سيناريو كل يوم ده هيخلص امتي ؟!