ضيعت عمري وانا حزين
وانا برثي لنفسي ...
وشايف إني غلبان مسكين
واني حالة فريدة ...
مش موجود منها اتنين
ماشي العن في حظي
وفي الحياة ...واللي فيها عايشين
*************************************
حابس نفسي في سجن الذات
كل يوم بدور في دوامة
تفكير في مشاكلي والآلامات
والوقت بيتسرق مني
مضيع في التفكير ساعات
وصاحب شأني اللي انا ملكه
بديله من وقتي الفتات
*************************************
قالوا ابقي صريح ف الكلام
وأقولك ع اللي مخوفني
متكسفش اشكيلك هم الأيام
كان آخري اقولك
أبانا الذي قبل ما انام
قررت أصارحك بخوفي
بضعفي وعجزي ... وبالاحلام
بالواقع اللي محبط منه
والفرح اللي نفسي أدوقه ... والسلام
هما قالوا انك حقيقي
وكل طريق غيرك اوهام
*************************************
وانا نفسي ادوق حلاوتك وكفاية
واجري كل يوم لحضنك ...
اعتبر صلاتي ودموعي بداية
وم اللحظة دي هبدأ معاك
يكفي اللي ضاع ف النفاية
وامشي ابن في ايد باباه
أماني انك فيا ...ومعايا
وعدوي متغاظ بيحدفني سهام
ومش مبطل عليا الشكاية
لكني همشي مصدق فيك
توريني طريقي وتقود خطايا
No comments:
Post a Comment