وانت مبلوع جوه نفسك ؟
تبقي قاعد وسط ناس
وانت معاهم بس بجسمك
وتبقي بتجبر نفسك تضحك
وانت غرقان في همك
كان نفسك تبقي بارد
الدنيا تتقلب ولا يهمك
بس طول عمرك حساس
واخدها علي قلبك من صغرك
جربت تطلع من طاقتك
في كتاباتك وفي رسمك
أو تحكي لحد بيحبك
وتلاقيه فاهمك وحاسك
وأما تبقي مش قادر تحكي
يقولك براحتك ..خد وقتك
جربت تعيش وانت مش عايش ؟
بتعدي الأيام كده وخلاص
وكأن قلبك بقي مستباح
ومشاعر الحزن خلته مداس
تدخله ف اي وقت.. أصله
من غير حماية أو حراس
وانت تتمني لو انك
ف يوم تلغي الإحساس
لو في يوم تقدر تاخد
من مشاعر الحزن القصاص
والفرح أخيرا يدخل قلبك
وتسمع صوت ترنيم وأجراس
بس يظهر إنك ماضي ..
!للهم والحزن عهد الإخلاص
No comments:
Post a Comment