يمكن محتاج تبقي متصالح و في سلام مع نفسك و حليت مشكلتك مع إحساسك الداخلي بالوحدة
قبل ما تقرر تربط نفسك بحد عشان متحطش عليه حمل هو مش قده عشان هو بني آدم ومحدود بردو ..
يمكن رحلة البحث عن ذاتك لازم تخوضها كده لوحدك ..ماسك في ربنا
..متحرك عايز تعرفه وتعرف نفسك معاه وبيه .. مسنود بناس و مشاركهم أكيد
....
مربوط برباط الجسد الواحد ككنيسة
او جماعة مؤمنين
مش برباط الجسد الواحد كجواز
..عشان لما تيجي بوعي كامل تقرر ترتبط بحد برباط الجواز ..تبقي بتتقابل معاه بعد ما اتقابلت مع نفسك (الحقيقية ) ..بعد ما إلي حد كبير
فهمتك و اتصالحت مع نفسك !
ويمكن لو مش عارف تبقي في رباط جسد واحد ككنيسة او مجموعة مؤمنين يبقي ده بيشاور علي مشكلة آخد بالي منها لأني مش هعرف أبقي في جسد واحد كجواز !!
يمكن لو لسه مش عارف تتونس بربنا و بنفسك و بالعلاقات اللي بالفعل موجودة في حياتك ...مش هتعرف بردو تتونس (حقيقي ) بحد جديد ..
لحسن (تستعمله) و متبقاش قادر (تتقابل معاه) كشخص حقيقي ..
ويبقي زي الاضافة الجديدة لحياتك اللي حبيتها وهي جديدة بس بعد كده
فقدت رونقها ومش عايزها ..
لحسن تاخده سد خانة ...تاخده ملتمس شبع مش هو اللي يقدر عليه.. فتاكله معاك وتسحله !
"ما لم تشعر بالطمأنينة في وحدتك، لن تعرف أبدًا إن كنت تختار رفيقًا بدافع الحب أم الوحدة"
No comments:
Post a Comment